Харин залуу үг дуу цөөтэй учраас уурыг нь тэр дор нь л хүргэж орхино. Гэр бүлийнхээ асуудлаас болж охин түүнд байнга л уурлах боловч найз залуу нь дуугүй л байдаг байлаа.
Хоёр жилийн дараа залуу сургуулиа төгсөж, гадаадад үргэлжлүүлэн суралцахаар болов. Явахынхаа өмнө найз охинтойгоо уулзаж "Би үг хэлэхдээ тийм сайн хүн биш л дээ. Гэхдээ би ганцхан зүйлийг л мэдэж байна. Би чамд хайртай. Хэрэв зөвшөөрвөл үлдсэн амьдралаа надтай хамтдаа өнгөрүүлээч? Гэр бүлийн чинь төлөө чадах бүхнээ хийхээ амалъя. Надтай гэрлээч?" гэжээ.
Охин ч зөвшөөрч, залуу хэлсэн үгэндээ хүрэх нь нэгэнт тодорхой болсон тул эцэг эх нь ч арга буюу гэрлэхийг зөвшөөрч тэд сүй тавьжээ.
Өдөр хоног өнгөрсөөр л ... Охин ажлаа хийж, залуу үргэлжүүлэн суралцсаар л ... И-мэйл болон утсаар харилцах нь хэдийгээр тэдэнд хэцүү байсан ч хайрынхаа төлөө тэмцсээр л байлаа.
Нэг өдөр охин ажил руугаа явах замдаа машинд мөргүүлж хүнд гэмтэл авчээ. Охиныг ухаан ороход аав ээж нь хажууд нь байлаа. Ээжийнхээ уйлж байхыг хараад тайвшруулахыг хичнээн хичээвч амнаас нь ямар ч авиа гарахгүй байсан нь эмчийнх нь хэлснээр тархиндаа гэмтэл авснаас хэл ярианы төв нь ажилгүй болсон буюу хэлгүй болсон байжээ.
Охин сэтгэлээр ихэд унахын хажуугаар чимээгүйхэн уйлсаар л ... Түүнийг гэртээ ирэхэд утасны дуудлагаас бусдаар бүх зүйл хэвийн байлаа. Утас дуугарах тоолонд зүрх нь хүчтэй өвдөнө. Тэрээр өөрт тохиолдсон явдлаа сүйт залуудаа хэлэхийг хүсээгүй бөгөөд түүндээ дарамт учруулахыг бодохгүй л байлаа. Ингээд хайртай залуудаа түүнийг хүлээж чадахгүй болсон тухай бичсэн захиа илгээлээ. Утсаа ч авахаа болилоо ... Найз залуугаас нь хэдэн мянган дуудлага, захиа ирсээр л ... Охины хийж чадах цорын ганц зүйл бол чимээгүйхэн л уйлах болсон байв. Тэр уйлсаар л ...
Ганц охиноо энэ бүхнийг эцэслэж, аз жаргалтай болох болов уу гэсэндээ нүүхээр болжээ. Шинэ орчинд очоод охин дохионы хэл сурч, амьдралаа шинээр эхлэхийг хичээж өдөр бүр өөртөө найз залуугаа мартах хэрэгтэй гэдгээ байнга сануулна.
Нэг өдөр найз нь ирж өнөө залууг эргээд ирсэн мэдээг дуулгав. Найзаасаа өөрийнхөө ийм байдалтай болсон тухай хэлэхгүй байхыг хүссэн бөгөөд залуугийн талаар өөр сураг ажиг үгүй байлаа.
Нэг жилийн дараа найз нь өнөө залуугийн хуримын урилгатай дугтуйг авчирч өглөө. Охин сандарч дугтуйг нээтэл өөрийнх нь нэрийг бичсэн урилга байлаа.
Юу болоод байгааг найзаасаа асуухаар эргэтэл хайртай залуу нь түүний өмнөөс эгцлэн зогсож байна. Тэрээр дохионы хэлээр, "Би энэ дохионы хэлийг сурах гэж нэг жил боллоо. Би чамдаа амласнаа мартаагүй юм шүү гэдгийг хэлэх гэсэн юм. Чинийхээ дуу хоолой болохыг зөвшөөрнө үү? Би чамдаа хязгааргүй их хайртай!" гэж хэлээд хуримын бөгжөө зүүж өгөв.
11 сэтгэгдэл:
- yoo yg uilah shahlaa tasarhai
- сэтгэл хөдөлгөм сайхан өгүүллэг байна. Би харин уйлах шахлаа биш уйлчихлаа. :Р
- сайхан өгүүллэг байна. :D
- bi j gsn uiljlaa :((
- Өөрийн чинь блогт дуртай болсоор л байна шүү кк
- үнэхээр нүдэнд нулимс цийлэгнээл ирлээ.Өдөр бүр зочилдог блог маань нэгээр нэмэгдлээ.
- гояымоо.. гэхэд энэ чинь ном болж худалдаанд зарагддаг юмыг ингэж хамаагүй нийтлэж болжаамуу?... за яады яады.. туркууд мөнгө алдаад юу л шалив гэж.. тэгснээс монголын залуус хэрэг болох зүйлсийг уншиж л байг хэхэ
- gogo...
- GOY YUMAA AMIDRAL DEER IIM HAIR BH BOLUU
- нэг юм бодогдуулаад л сэтгэл огшоод л явчихлаа...Энэ сургамжит өгүүллэгийг чинь сонсохоор хийчихэж болох уу? Би яг бичлэг хайж байсан юм Анх удаа л уншиж үзэн туршилт хийх гээд байна л даа
- Uneeheer ih taalaglaa naizaa. Iim hair hun bolgontoi uchiraasai gej chin setgeleesee husmeer baina.
Posts
2 сэтгэгдэл:
minii hoinoos gvigeed l minii hvssen bvgdiig hiideg neg bandi bdiim l da bi tvvniig ogt hairladagvi harin odoo haieladag bolchloo.ygd hairlahgvi bgaga mdkv bga ch terend dutagdah zvil bhgvi tsarai bga yu bga setgel bga yu bga hvn chanar bga yu bga bi tvv
niig odoonoos hairlanaa
энэ өгүүллэгийн зохиогч монгол залуугийн нэрийг бичихгүй яасан юм бэ.
Post a Comment